٥ خطوات لتغيير سريع في جودة حياتك

٥ خطوات لتغيير سريع في جودة حياتك

١- اولاً تنظيف المشهد وازالة الفوضى من محيطك.
سواء كانت فوضى بصرية أو فوضى ملفات معلّقة أو فوضة علاقات أو فوضى مرتبطة بهدر وقتك بالاماكن يلي بتتخلى فيها عن قوتك متل تخدير السوشال ميديا.

 ٢ - ثانياً بعد ما نضّفت وكوّنت مساحة في حياتك ابدأ عبّي المشهد بالأمور يلي حقيقي بتلهمك وبتعطيك احساس اتساع بقلبك.
ما بقصد الأمور المنطقية يلي بتعتقد انها مفيدة الك، اقصد الامور يلي بتعطيك شعور داخلي بالانشراح، الأمور يلي بتعبّر عنّك ومتصلة بنداء عميق بداخلك. هي مو خطوة جمالية او ترفيهية،
هي خطوة علمية لمساندة جهازك العصبي من خلال ملىء محيطك بالامور يلي بتساعد جهازك العصبي على العودة الى حالة الاتصال والألفة داخلياً وخارجياً. 

٣- الخطوة الثالثة والأهم هي تنمية ممارستك الشخصيّة اليومية،
يعني الوقت يلي بتقضيه مع نفسك من أجل التعرّف على دواخلك، سواء كان من خلال التأمّل أو التنفّس أو أي ممارسة أخرى بتسمحلك أنك تكون على علاقة مع مشاعرك ومدرك لمكامن النور والظل بداخلك. الممارسة الذاتية هي أساس الوعي ومن دونها أنت حتكون تحت سيطرة كل الأمور يلي بتسلب قوتك وقدراتك. 

 ٤- الخطوة الرابعة هيأنك تعيد الخطوة الثالثة.

٥- الخطوة الخامسة هي أنك تعيد الخطوة الرابعة.