مرة لمسني سؤال حنان عن إيش الأشياء الي انتهت و ما سمحنالها تنتهي. و دا شي كثير ألاحظه في حياتي من أتفه الأشياء لأكبر الأشياء. يعني حتى لو بتفرج مسلسل، اوقف عند الحلقة الأخيرة و ما اتفرجها. لو عندي علبة كريم اوقف استخدمها لمن يكون باقي فيها استخدام واحد او اثنين و اشتري غيرها و احتفظ بالي قبلها! و كمان دائما الاحظ كيف اني اعلق في مراحل حياة معينة. يعني طول فترة المراهقة و انا حاسة اني طفلة (و مستوعبة الاحساس دا) و لمن صرت adult برضو لسا حاسة اني عالقة في مرحلة المراهقة. أواجه صعوبة في الانتقال من شيء (او مرحلة) مفروض انتهى للي بعده. و أعتقد دا كمان أحد العوامل الي خايفة أنتقل من "طالبة" إلى إني أخيرا أخد أول وظيفة في حياتي رغم انو تخرجت من كم سنة مضت. حاسة اني يدوبك الآن قاعدة أستوعب إنو في رتم و إنو مأثر على حياتي بالشكل الكبير دا. ممتنة للملاحظة و دحين أحتاج أبحث عن جذرها عشان أحلها و أتحرر. حاسة بدفء. لحنان و هيثم و المشتركين و البرنامج و لنفسي. حقيقي فعلا أتمنى أو خليني أقول أنوي أحضر ريتريتس معاكم في يوما بإذن الله. مرة شكرا ليكم حنان و هيثم و المجتمع اللطيف و الداعم في ماناباي أس. رمضاني معاكم كان غير. Until then, “see you later”☺️🤍
