حضرت تقريبا كامل الكورس برمضان وقررت أرجع أحضرو كمان مرة واليوم بدأت, نفس الحماس ونفس الاحساس ونفس الطاقة, شكرا حنان وكامل الفريق.بالنسبة لتجربتي لأول مرة حضرت فيها الكورس, كنت بنفس الفترة صايمة بسبب رمضان, والثلات أسابيع الأولى كانت فترة سكون وهدوء غريب في حياتي, ولكن في الأوسبوع الرابع مرضت جسديا ونفسيا وطاقيا ومشاعريا و علاقاتي مع الناس تخربطت وحالتي المادية تدهورت, كل هاد في أسبوع هههه, وحتى بعد ما خلص رمضان ضليت بحالة نفسية صعبة.. ولكنننن اليوم بعد مرور تقريبا 15 يوم على انتهاء رمضان, فهمت, فهمت شو الحالة الي مريت فيها, الصيام كان عم بنضف جسمي, وحصص اليوغا والدعاء وكتابة المشاعر كانت عم بتطهر روحي,, وبعد فترة من التطهير, كان لابد انو الأشياء المتخبية جواتي تطلع على السطح, شعور الحزن والضيق والاختناق والعار والغضب المخبى بداخلي, طلع وتحرر بعد فترة التطهير والتنظيف,, وكان أيضا الصيام له الأثر في تنظيف جسمي,, والمرض الجسدي نوع من أنواع التنظيق والتطهير الي بلجأ الها الجسم. بشكل عام وهلا بعد ما فهمت جزء من المرحلة ال (مش سهلة) الي مريت فيها, بقدر أحكي اني كتير سعيدة وممتنة لهاي المرحلة وممتنة لنفسي ولوعيي ولاحساسي ولكم ولحنان وللفريقالمهم, هلا أنا رح أرجع أبدأ كمان مرة بالحصص, خصوصا اني آخر أسبوع ما حضرت منو غير حصة وحدة تقريبا,, وكلي استعداد للأشياء الجديدة الي رح تطلع, وبسم الله نبدا, سلام وحب
